គម្រោងទំនប់អារ៉ែងអាចក្លាយជាកន្លែងជីករ៉ែ
Thursday, 27 March 2014ភ្នំពេញ ប៉ុស្តិ៍
ព្រះសង្ឃចូលរួមការពារព្រៃឈើនៅខេត្តកោះកុង។ DANIEL QUINLAN
ក្រុមហ៊ុន Sinohydro Resources Ltd ដែលជាក្រុមហ៊ុនកាន់កាប់មួយសម្រាប់ក្រុមហ៊ុន Sinohydro Group បានទទួលការឯកភាពកាលពីថ្ងៃ ទី១៩ ខែកុម្ភៈ សម្រាប់ការខួងរករ៉ែ ការកំណត់ភូមិសាស្រ្ត និងការសិក្សាពីសម្បទានទំនប់រយៈពេល ៦ ខែទៀតក្នុងលិខិតដែលបានចុះហត្ថលេខាដោយលោក ស៊ុយ សែម រដ្ឋមន្រ្តីក្រសួង រ៉ែ និងថាមពល ហើយដែលភ្នំពេញ ប៉ុស្តិ៍ បានទទួលកាលពីសប្តាហ៍មុន។
លោក ពេជ្រ ស៊ីយ៉ុន ប្រធានមន្ទីររ៉ែ និងថាមពល ខេត្តកោះកុង បានថ្លែងកាលពីថ្ងៃចន្ទថា លោកមិនបានដឹងទេថា តើក្រុមហ៊ុននឹងរុករករ៉ែ នៅតំបន់ទំនប់ឬយ៉ាងណាទេ? លោកបន្តថា៖ «ប្រសិនបើគេរកឃើញរ៉ែ [នៅសម្បទានទំនប់] ហើយនឹងអំពីប្រភេទរ៉ែ គេអាចស្នើសុំការអនុញ្ញាតពីរដ្ឋាភិបាលដើម្បីធ្វើការវិនិយោគលើ រ៉ែ»។
លោក Leung Ping អភិបាលក្រុមហ៊ុន Sinohydro United ជាសាខានៃក្រុមហ៊ុន Sinohydro Group បានបដិសេធមិនធ្វើការអត្ថាធិប្បាយទេដោយលោកថា លោកបានជួបប្រជុំជាមួយនឹងតំណាងក្រសួង រ៉ែ និងថាមពល កាលពីថ្ងៃចន្ទ។
លិខិតមួយដែលត្រូវបានផ្ញើទៅក្រុមហ៊ុន Siyun អនុញ្ញាតឲ្យក្រុមហ៊ុន Sinohydro «ធ្វើការរុករក និងប្រមូលទិន្នន័យបន្ថែមទៀតនៅការដ្ឋានតំបន់ ជាយអារ៉ែង។
លោក Alex Gonzalez-Davidson នៃអង្គការ Mother Nature កម្ពុជា ថ្លែងថា៖ «នេះជាអ្វីដែលយើងបានភ័យខ្លាច…គេបានឲ្យអនុវត្តគម្រោងនេះ ព្រោះគេកំពុងធ្វើរួចហើយធ្វើការស្រាវជ្រាវលើទំនប់ ធ្វើការកាប់ឈើ ថែមទាំងជីកយករ៉ែ»។
ក្រុមហ៊ុន China Guodian ដែលជាអ្នកកាន់កាប់សម្បទាន អារ៉ែង លើកមុនបានឲ្យដឹងក្នុងរបាយការណ៍ប្រចាំឆ្នាំ កាលពី ខែកុម្ភៈ ថា ខ្លួនបានដកខ្លួនចេញពីគម្រោង ព្រោះការស្រាវជ្រាវផ្ទាល់បានបង្ហាញថា ការសាងសង់ និងដំណើរការទំនប់ ត្រូវបានបញ្ចប់ ដោយសារតែវាមិនអាចជោគជ័យផ្នែកសេដ្ឋកិច្ច។
លោកស្រី Ame Trandem ប្រធានកម្មវិធីអាស៊ីអាគេ្នយ៍នៅអង្គការទន្លេអន្តរជាតិ បានថ្លែងកាលពីថ្ងៃចន្ទថា ដំណឹងដែលក្រុមហ៊ុន China Guodian បានដកខ្លួនចេញពីទំនប់ ជាយអារ៉ែង គួរជាសញ្ញាព្រមានថ្មីៗ ដែលនេះជាគម្រោងមិនគួរសាងសង់យ៉ាងច្បាស់។ លោកស្រីបន្ថែមថា៖ «វាជាមន្ទិលថាតើ ក្រុមហ៊ុន Sinohydro បានពិចារណាលើការវិនិយោគនេះឬយ៉ាងណាដែលក្រុមហ៊ុនអភិវឌ្ឍទំនប់មុន បានកំណត់ថា មិនមានលក្ខណៈត្រឹមត្រូវផ្នែកបរិស្ថាន និងសេដ្ឋកិច្ចនោះ»។
លោកស្រីបានបន្តថា៖ «ដោយពិចារណាលើតំបន់ គេអាចឆ្ងល់ថា តើគម្រោងមុខជាបិទបាំងសកម្មភាពកាប់ឈើខុសច្បាប់ និងការបាត់បង់នាថ្ងៃអនាគតនូវព្រៃអភិរក្សភ្នំ ក្រវាញ កណ្តាលឬយ៉ាងណា?»។
លិខិតដែលទទួលបានដោយ ភ្នំពេញ ប៉ុស្តិ៍ ក៏បានលើកឡើងផងដែរថា បើទោះបីជាមានការបដិសេធជាផ្លូវការក៏ដោយ ក៏ប៉ុន្តែ កម្រិតមួយចំនួននៃការសាងសង់ទំនប់ត្រូវបានឯកភាពរួចហើយ។ លិខិតនោះឲ្យដឹងទៀតថា៖ «ក្រសួង រ៉ែ និងថាមពល បានអនុញ្ញាតឲ្យក្រុមហ៊ុន Sinohydro Resources វិនិយោគលើការសាងសង់ទំនប់ ជាយអារ៉ែង នៅ ខេត្តកោះកុង»។
លោក Marcus Hardke នៃអង្គការអភិរក្ស ARA បានឲ្យដឹងថា៖ «វាពិតប្រាកដថា មិនមែនជាការស្រាវជ្រាវទេ។ គេនឹងអាចស្រាវជ្រាវអំពីថ្មខួងតិចតួចប៉ុន្តែមិនច្រើនទេ។ ខ្ញុំសន្មតថា ក្រុមហ៊ុន China Guodian បានធ្វើការស្រាវជ្រាវទាំងអស់ពីមុន។ គេគ្រាន់តែគូសប្រអប់ និងបង់ឲ្យក្រសួង បរិស្ថាន»។ រដ្ឋាភិបាលបានអនុញ្ញាតឲ្យនិយោជិតក្រុមហ៊ុន Sinohydro ចំនួន ៦០ នាក់ធ្វើការពិនិត្យ និងសាងសង់។ លិខិតបន្តថា៖ «ការងារនេះរួមមាន ការប្រើប្រាស់គ្រឿងផ្ទុះផងដែរ»។
ទោះយ៉ាងណា លោក Siyun បានបដិសេធថា គ្រឿងផ្ទុះមិនត្រូវបានប្រើប្រាស់ទេ។ «គ្រឿងផ្ទុះនឹងមិនដែលយកមកប្រើក្នុងដំណើរការសិក្សា អារ៉ែង ទេ។
ក្រុមហ៊ុនគ្រាន់តែខួងចូលដីដើម្បីសិក្សាស្រទាប់ដី និងរករ៉ែ»។
គេហទំព័របស់ក្រុមហ៊ុន Sinohydro Resources បានឲ្យដឹងថា ខ្លួន «បានខិតខំប្រឹងប្រែងដើម្បីលើកកម្ពស់ការអភិវឌ្ឍ និងការវិនិយោគលើថាមពល និងធនធានរ៉ែនៅប្រទេសផ្សេងៗ ដូចជា ប្រទេសកម្ពុជា»។
នៅពេលសួរអំពីបញ្ហានេះកាលពីថ្ងៃចន្ទ លោក អ៊ិត ប្រាំង រដ្ឋលេខាធិការនៃក្រសួង រ៉ែ និងថាមពល បានថ្លែងថា៖ «ខ្ញុំមិនបានដឹងអ្វីទេ»។
អ្នកភូមិរងគ្រោះបានប្រមូលផ្តុំគ្នាទាមទារឲ្យបញ្ឈប់គម្រោងដោយ នាំគ្នារាំងស្ទះផ្លូវដោយសន្តិវិធី និងរាំងស្ទះក្រុមហ៊ុន Sinohydro កុំឲ្យដឹកជញ្ជូនគ្រឿងម៉ាស៊ីនចូលទៅក្នុងតំបន់សម្បទានកាលពី សប្តាហ៍មុន។
លោកស្រី Trandem បានថ្លែងថា៖ «ដោយមានកម្មករជាង ៦០ នាក់ និងគ្រឿងម៉ាស៊ីនចូលមកតំបន់នេះ អ្នកភូមិព្រួយបារម្ភត្រឹមត្រូវថា នេះអាចជាការចាប់ផ្តើមនៃសំណង់ទំនប់»។
«បើគិតអំពីជីវចម្រុះផ្សេងៗ វាជាបញ្ហាចោទផងដែរថា ការប្រើគ្រឿងផ្ទុះត្រូវបានអនុញ្ញាតក្នុងអំឡុងពេលស្រាវជ្រាវ។ ដោយប្រើប្រាស់គ្រឿងផ្ទុះក្នុងការស្រាវជ្រាវក្រុមហ៊ុន Sinohydro… ពុំគោរពនូវសារៈសំខាន់នៃភាពចម្រុះនិងបរិស្ថានរបស់ជ្រលង អារ៉ែង ទេ៕
រាយការណ៍បន្ថែមដោយ ផាក់ ស៊ាងលី
No comments:
Post a Comment